ايوه جواب نهائي مش حغضب ربنا تاني
قررت اعيش لله ..قررت اخاف قوي من ربنا
مش حقول ربنا غفور رحيم لانه زي ما هو غفور رحيم هو شديد العقاب.
مش حقول ربنا بيستر. زي ما هو بيستر بيمهل ولا يهمل
مش حقول من بكره حبدأ التزم ..لاني مش ضامنه اعيش ثانية كمان ..
من دلوقتي جواب نهائي مش حغضب ربنا تاني
كل ما افكر اعمل حاجة قبلها افتكر ساعة خروج الروح من الجسد يإما روح طيبة تخرج الى روح وريحان ورب راضٍ غير غضبان .....ياروح خبيثه وليعوذوبالله اخرجي الى رب غضبان
حفتكر ضمة القبر.. وظلمة القبر.. حفتكر سؤال الملكين.. حفتكر ان ساعة وفاتي خلاص قامت القيامة بالنسبة لي ..خلاص يعني حساب فعقاب فيا جنة عرضها السموات والأرض .. يا جهنم وبئس المصير .. ايهما أختار؟؟
اخترت الجنة التي عرضها السموات والأرض .. اي نعم هي حفت بالمكاره ..بس حستحمل اصل التمن غالي ..
مش حستسهل الشهوات لان النار حفت بالشهوات السهلة الجميلة ..
لا انا حختار الصعب حختار الطريق الي اخره جنة تجري من تحتها الأنهار..التي فيها ما لا عين رأت ولا أذن سمعت ولا خطر على قلب بشر...
حختار المكان الي اقدر أقابل فيه امهات المؤمنين..واقدر اقعد معاهم واشوفهم ياااااه احساس جميل قوي ...
وزوجات الصحابة واخواتي الصالحات الاتي احببتهن في الله والتقين في الله وافترقنا في الله ..
حقابلهم ازاي وانا في النار ؟؟ يبقى لازم اتعب واجتهد واقول لنفسي علطول
جوااااااااااااا ااااااااب نهااااااااااائي مش حعصي ربنا تاني