السلام عليكم ورحمة الله وبركاته

كيف حالكم يا إخوه إن شاء الله بخير
طيب أنا عاوزكم تخلوا بالكم من ال 3 نقط دول لأأن دول هنلف وهندور عليهم
ومش عاوز حد يستغرب من ال 3 نقط

1- واحد لعيب كورة كل الناس بتشاور عليه وتقول دا مفيش زيه المهم في الماتش خد الكورة من إيد الجول .. وقعد يجري بيها .. ويعدي من ده سبعه .. ويعمل لده كبري .. ويراوغ ده لغاية أما وصل قدام الجول .. قام مراوغ حارس المرمي .. والجول فاضي يقوم هو متنمنظر ومدور وعاوز يحطها بكعبه .. تقوم طالعه بره آآآآآآآآآوت .

2- واحد محروق قوي عشان فرقته في المباراه وعاوز يكسب قام رايح لحارس المرمي بتاع فريقه و راح ماسك الفانله بإيده .. ((شفت الواحد أما يكون واخد أكل للحصان كده في الجلبيه بتاعته)) المهم قام الجول حاطط له الكورة في الفانله واللعيب قعد يجري .. والحكم يجري يصفرررررر وراه وده ولا هنا .. قعد يجري يجري يجري .. وراح لغاية الجول التاني وقام رامي الكوة من جوه الفانله بتاعته .. جوه الشبكه .. ومنتظر يتحسب هدف .

3- واحد لعيب مجتهد خد الكوره عمل مجهود مأرتكبش أي خطأ في قانون الكرة سدد إتحسب جول .
هل يا تري بعد أما الماتش يخلص هريوح يتفرج علي الإعاده الجول وهو بيتعاد هيجي في العارضه ؟؟!! لا طبعا وبيتكرم بعد الماتش


بصراحه عاوزين نفهم أيه الغرض من الكلام ده !!

(1) الإخلاص

اللعيب الأولاني مش بيلعب ومخلص للفرقه بيلعب عشان الناس تقول عليه لعيب .. وعشان كدا أول ما الماتش هيخلص أول واحد هيتف عليه وتهزأ هو اللعيب ده .

وكذلك حال العبد منا .. يعبد الله عز وجل .. ويعجب بعباده الناس ((ولكن لا يخلص النيه لله عز وجل يصلي حتي يقال رجل عابد .. ويصوم حتي يقال صوام ويجاهد حتي يقال شجاع .. ويطلب العلم حتي يقال عالم)) وأما الحياه تخلص ((اللي شبهتها بالمباراه)) أول من تسعر به النار هو هذا الانسان الذي كان ينبهر به الناس أخرج الإمام مسلم في صحيحه:عن أبي هريرة رضي الله عنه قال :
سمعت رسول الله صلى الله عليه وسلم يقول: إن أول الناس يقضى فيه يوم القيامة ثلاثة:


رجل أستشهد ، فأتى به فعرفه نعمته فعرفها فقال: ما عملت فيها؟قال: قاتلت فيك حتى قتلت.قال: كذبت ولكن قاتلت ليقال هو جرئ،فقد قيل. ثم يأمر به فيسحب على وجهه حتى ألقي في النار.ورجل تعلم العلم وعلمه وقرأ القران ، فأتى به فعرفه نعمه فعرفها فقال ما عملت فيها؟ قال: تعلمت فيك العلم وعلمته وقرأت فيك القران.فقال: كذبت ولكنك تعلمت ليقال هوعالم فقد قيل وقرأت القران ليقال:هو قارئ فقد قيل. ثم أمر به فسحب على وجهه حتى ألقي في النار.ورجل وسع الله عليه وأعطاه من أصناف المال كله ، فأتى به فعرفه نعمه فعرفها فقال:ماعملت فيها؟فقال:ما تركت من سبيل تحب ان ينفق فيها إلا انفقت فيها لك.قال:كذبت ولكنك فعلت ليقال : هو جواد فقد قيل ثم امر به فسحب على وجهه حتى ألقي في النار
.


وفي لفظ: فهؤلاء أول خلق الله تسعر بهم النار يوم القيامة



(2) الإتباع
صاحبنا التاني واحد مخلص جدا .. ونفسه يكسب ونفسه يجيب جول .. لكن لم يتبع التعاليم والقوانين وأستخدم أساليب غير مشروعه حتي يسجل الهدف .. ولكن عندما سجل الهدف لم يحتسب .
وكذلك الحال رجل يجتد مخلص جدا في العباده لله عز وجل لكن مبتدع .. يذهب للقبور ويزورها ويطوف حول الاضرحه .. ويتعبد لله بما لم يشرعه محمد صلي الله عليه وسلم وبما هو خارج التشريع .. فعندما تنتهي الحياه منتظر أن يدخل الجنه ولكن فوجئ أن كل المجهود الذي فعله كالتراب الذي تزروه الرياح (طلع أوت بره ملوش لازمه)..




قال رسول الله من أحدث في أمرنا هذا ما ليس منه فهو رد
(3) إتباع وإخلاص .
الأخ التالت اللي اتبع القوانين ومعملش مخالفات ومشي كما القانون شرع .. وكان كل ما في ذهنه أن يخلص وأن يضع الكورة بالشبكه ويسجل هدف .. سجله .. فقد إتبع القوانين وأخلص . فعندما تنتهي المباراه سيظل الهدف هدفا ويكرم .




وكذلك الحال كل من يتبع النبي محمد صلي الله عليه وسلم مخلصا لله عز وجل لا يريد سمعه ولا شهره ولا رياء .. يوم القيامه (بعد أما المبراه اللي هي الحياه الدنيا تخلص .. راح يدخل الجنه فقد سجل الهدف وفاز فوزا عظيما)




يا إخوه العمل لا يتقبل إلا بهذين الشرطين



إتباع
إخلاص
=
قبول العمل إن شاء الرحمن




والسلام عليكم ورحمة الله وبركاته



كتبه الفقير إلي الله
أخوكم أبو عمر القرشي
16/07/1430 ه

منقول عن منتدي فرسان السنة