قصيدة الشيخ أحمد العجمي في رثاء أمه
( منقول )




جاتني الأخبار في وسط السبوع
وانتهى فكري مع اخباري وضاع

كن قلبي محترق بيـن الضلـوع
والسبب نار الحـزن والالتيـاع

ماتت امي وانطفت ذيك الشمـوع
وابتدا حزنـي بايامـي وشـاع

ماهنا لـي زاد ورقـاد و هجـوع
عايشن في هم واكدار وصـراع

المصايب جاتني من كـل نـوع
بس موتك ياحياتي لـي ضيـاع

كن ساعاتي بعد موتـك سبـوع
والثوانـي كنهـا مـوت و وداع

بعد موتك هلت عيونـي دمـوع
كن دمعي بحور واحزاني شراع

سرت من دنيـاي يايمـه قنـوع
دنيتي بعدك حسايـف والتيـاع

امي مريم يابعـد كـل الجمـوع
في حشاي وفي لك حصون وقلاع

ياقمر عمري وياشمس الطلـوع
يا حنين القلب يانـور وشعـاع

جعل ربي يرزقك ذيـك الربـوع
في جنان الخلـد جنـات وسـاع

بين انهـار واغصـان و فـروع
عند ربي خالق الكـون المطـاع