شوفت بعينى((( قصص حقيقية))) !!!

[انصر النبى محمد]

الحمد لله رب العالمين


كان ابنى ببمتحن انجليزى وحل الامتحان كله بس ناقص درجو واحدو على سؤال اكمل دخل التواليت وكلمنى فى الموبايل وقالى هى كلمة مش عارف معناها قوليهالى ابقى قفلت الامتحان قولتله طبعا لا وده غلط جدا وماتعملش كده تانى مع انى عارفة الكلمة ولما رجع كان زعلان جدا قولتله استغفر ربنا وادعيله يعوضك بعدها بيومين عرفت من المدرس ان السؤال اتلغى لان الكلمة ماكانتش فى المقرر والحمد لله أخد الدرجة اانهائية ....قولتله شوفت انك لما ماغشتش ربنا عوضك ازاى...وهو كان مذهول ومن يومها اتعلم انه لازم يراقب ربنا فى كل حاجة علشان يوفقوا فى حياته

كنت انا و صاحبى خارجين من الكليه و كوننا فى السكن الجامعى فذهبنا الى مطعم المدينه الجامعيه و عندما اخذ صاحبى طعامه وضع نصفه فى اكياس قد اشتراها ولكنى لم اسأله واكتفيت بمراقبه ما سيحدث و بعد خروجنا من المطعم ذهب الى منتصف سور الجامعه ووضع الاكياس فى يد امرأه مسكينه معها طفل صغير يبكى من الجوع ربنا يجازيه كل خير

وانا صغيره ف أبتدائي كنت انا وصحابي نروح نصلي الجمعه ف المسجد
وأتعودت من امي لازم ناخد فلوس ونحطها ف المسجد
أخدت جنيه ولمي قابلت صحبتي لقيتها مش جايبه فلوس عشان تحطها رحت فكيت الجنيه نصين وأخدت نص وأديتها نص عشان تحطه ولما كبرت فرحانه اني عملت كده


شوفت بعيني وامي بتربي القطط اللي بالشارع ووقت مانقلنا لبيت جديد توفت كل القطط التى ربتها أمي بعد فراقها


الموقف ده حصل معايه انا كنت بدرس في محافظه تانيه غير محافظتنا ووقت السفر أكتر من 8 ساعات فقدر ربنا وتوفي والدي حوالي الساعه 11 بالليل فكلموني وقالولي متجيش دلوقتي تعالي الصبح المهم صليت الفجر وسافرت واصحاب الدراسه طول اللي معايه وجابولي عربيه وكده وده كان موقف حلو منهم بس الأهم اني روحت البيت مش لقيت حد من اصدقاء الطفوله خالص زعلت جدآ وقعدت فتره مكلمش حد فيهم ولا ارد علي حد وقاعد يوم مع والدتي ربنا يطول عمرها قالتلي ان اصحابي قعدوا مع والدي ربنا يرحمه 6 ايام في الطوارئ ولما توفي هما قالوا هنروح نرتاح ساعتين ونتيجي بس التعب كان اكبر منهم فيهم اللي سايب بيته واهله وشغله علشان بس يفضل جمبه ساعتها اتكسفت من نفسي وكلمتهم واعتذرت ليهم ربنا يجزيهم خير

ولد صغير ركب الميكروباص ومكانش يعرف الاجرة ومكانش معاه يكمل فالراجل اللي قدامه جه يكمله الاجرة فالسواق مرضيش ياخدها منه وخد اللي كان مع الولد بس

[انصر النبى محمد]

كنت ماشى مره والنور قاطع ... كان معايا كشاف .. بقيت لما ألاقى حد مش معاه .. أعمل نفسى أكنى ماشى فى طريقه لحد ما يقرب من مكان منور ... بعد فتره كبيرة .. كنت نسيت الموقف ده .... كنت داخل شارعنا والكهربا كانت قاطعه ومش شايف قدامى ... لقيت طفب واقف فى الدور الرابع فى البلكونة .. فضل ينور لى بالكشاف لحد ما وصلت ..... بحبك أوى يا رب

كنت فى مره راكبه تاكسى وكان واحد ورانا بعربيه عمال يزمر وبتاع زى بقيت الناس الطبيعيه .. قام عدا من ادامنا ونزل قال للراجل كان شاب 20 21 سنه كده قاله انا اسف جدا والله انى قعدت ازمر كتيير وازعجت حضرتك انا اسف وباس دماغه الراجل صاحب التاكسى كان هيدمع ان لسه فى ناس كده .. قالى انا الشغﻻنه دى بتعلمك ماتندفعيش وتشتمى حد تقوليله كلمه وحشه بتعلمك الصبر والحكم ع الناس ... انا بقى الى كنت هدمع


منقول مهذبون