أنا ما ني فاهم ليش الاحتفال بعيد الأم حرام

(اعذروني المقال باللهجة السورية)
إي شو فيها خيو يعني إزا الواحد احتفل بعيد الأم
أيّ شي فيه خير، لازم نساويه
يا أخي ليش هالتشدد بالدين
كل شي حرام حرام حرام
والله الدين يسر
بعدين أنا ما ني فاهم ليش الاحتفال حرام
يعني نحنا شو عم نعمل بها اليوم
عم نحتفل احتفال عادي، عادي كتير
لا عم نشرب خمر ولا عم ناكل لحم خنزير ولا عم احم احم احم؟؟؟
=====
الجواب:
والله ما أحلاك تشرب خمر وتاكل لحم خنزير وتعمل احم احم
يعني ما شاء الله عليك فالح كتير
يعني ضارب الإسلام بحجر كبيرة؛ لأنك ما عم تشرب خمر ولا عم تاكل لحم خنزير
بعدين مين قلك أنو كل شي حرام حرام حرام
الله أحل لك ما في الأرض جميعا
ولم يحرم عليك إلا بعض الأشياء المحدودة والمعدودة
فأنت حضرتك تركت كل أعمال الحلال، وجيت فقط عالأعمال المحرمة، وصارت حلوة بعيونك وبدك تساويها....
بعدين مو شرط أنك تفهم ليش هادا حرام حتى تتركه
ومو شرط تفهم ليش هذا واجب حتى تفعله
إنت كمسلم عليك أن تقول: سمعنا وأطعنا
وإزا فهمت الحكمة والسبب خير وبركة
وإزا ما فهمت طبق من تم ساكت
لأنو الله ما أمرنا بشيء أو نهانا عن شيء إلا لمصلحتنا
وكذلك النبي صلى الله عليه وسلم
خلاصته:
الاحتفال بعيد الأم حرام...لأسباب كثيرة، أهمها:
1- لأنه تشبه بالكفار....والرسو ل صلى الله عليه وسلم يقول: ((من تشبه بقوم فهو منهم)).
2- لأنه إحداث عيد في الإسلام، والإسلام منه بريء، قال صلى الله عليه وسلم( ((من أحدث في أمرنا هذا ما ليس منه فهو ردٌّ))..
3- أمر لم يفعله رسول الله صلى الله عليه وسلم، ولا صحابته من بعده، ولا سلف هذه الأمة، مع أنهم كانوا أشد الناس برا بأمهاتهم...
4- جدير بالمسلم أن يعتز بدينه، وأن لا يكون إمَّعَةَّ يمشي وراء كل ناعق، كلما أتى شيء من الغرب ينبهر به، ويتلقفه، ويدعو إليه..
5- بعدين أليس في الاحتفال، كسر لقلوب الأيتام، الذين فقدوا أمهاتهم، فكيف تكون قلوب هؤلاء الصغار وهم ينظرون إلى أطفالنا يحتفلون بأمهاتهم..كسر القلوب أمر خطير..
6- أليس في الاحتفال، كسر لقلوب الأمهات اللواتي فقدن أولادهن، وخاصة في بلاد الحروب كبلادنا الحبيبة سورية العراق فلسطين مصر اليمن ....فالأم التي فقدت أولادها كيف يكون قلبها، وهي ترى أبناءنا يحتفلون بأمهاتهم؟؟!! (خلي عندك قلب يامسلم)..
فالاحتفال بعيد الأم، حرام...وعيب كمان، وما بدي احكي أكتر من هيك، حتى ما أجرح شعور البعض..
بس لازم يكون عنا شوية إحساس..

وأنا راح رد باللهجة السورية
يعني الصلاة عالنبي موضوع بيشرح الصدر، سؤال بمحله والجواب كمان بمحله.
الله يعطيكن العافية ويجعل فيكم الخير لأمة محمد المسلمين.
الحقيقة إحنا لازم نحتفل بالأم كل يوم وكل ساعة بدون أعياد، واحتفالنا بيكون ببرها
والسعي لرضاها وسعادتها، وأكبر هدية بتتلقاها الأم من ولادها هي لما بتشوفهن مكملين
بدينهن وتقواهن ونجاحهن بالحياة.

اقتباس:

---

المشاركة الأصلية كتبت بواسطة زاهية بنت البحر

وأنا راح رد باللهجة السورية
يعني الصلاة عالنبي موضوع بيشرح الصدر، سؤال بمحله والجواب كمان بمحله.
الله يعطيكن العافية ويجعل فيكم الخير لأمة محمد المسلمين.
الحقيقة إحنا لازم نحتفل بالأم كل يوم وكل ساعة بدون أعياد، واحتفالنا بيكون ببرها
والسعي لرضاها وسعادتها، وأكبر هدية بتتلقاها الأم من ولادها هي لما بتشوفهن مكملين
بدينهن وتقواهن ونجاحهن بالحياة.

---

جزاك الله خيرا على الرد الجميل والمفيد
نعم:

اقتباس:

---

"أكبر هدية بتتلقاها الأم من ولادها هي لما بتشوفهن مكملين بدينهن وتقواهن ونجاحهن بالحياة"

---

اللهم اجعلنا من الملتزمين بديننا وسنة نبينا صلى الله علبه وسلم