جمعية التنظيم النسائي

أتفقت عضوات جمعية التنظيم النسائي الدولي في جلستها الأخيرة على أن تعامل كل سيدة زوجها بشكل سيئ جداً، على أن يتقابلوا بعد أسبوع لمناقشة النتائج..

بعد أسبوع..

الأمريكية : أنا قلت لبيتر "بص يا بيتر، أنا من هنا و رايح ولا هاغسل ولا هامسح ولا هاعمل أي حاجه في شغل البيت واللي معاك أعمله".. أول يوم ماشفتش حاجه، تاني يوم ماشفتش حاجه، تالت يوم لاقيته راجع البيت وجايبلي ورد عشان يصالحني !!

الفرنسية : أنا قلت لأندريه "بص يا أندريه، الست ماتفرقش حاجه عن الراجل وانا من النهارده مش هاعمل أي حاجه في البيت ولا مسح ولا كنس ولا أي حاجة".. أول يوم ماشفتش حاجه، تاني يوم ماشفتش حاجه، تالت يوم رجعت البيت لاقيته مسحه ومنضفه وعامل لنا عشا رومانسي !!

المصرية : أنا قلت لعبده "بص يا عبده، أنا مش هامّد أيدي في حاجة في البيت تاني، ولا غسيل ولا مكوه ولا تنضيف ولا أي حاجة".. أول يوم ماشفتش حاجه، تاني يوم ماشفتش حاجه، تالت يوم أبتديت أشوف شوية بعيني اليمين !!