لحياة اكثر نجاحا … اربعة أشياء عليك التحلى بها
تأخير الرضا
https://majles.alukah.net/imgcache/2020/12/18.jpg
الاهم اولاً . كلنا بنحب الجاتوة وكلنا بنحب طبقة الشيكولاته الى بتبقى عليه من فوق ، حياتنا اليومية شبه قطعة الجاتوة بتتاكل على بعضها بس ايه الى نبدأ بيه ؟؟؟ واحنا اطفال يمكن كنا بنعرف نعمل دا بنبدأ بالصعب يعنى ناكل الكيك الاول وبنأخر طبقة الشيكولاته للاخر علشان نستمتع بيها فى النهاية ، بس لما كبرنا بقينا بنعكس الموضوع نعمل الاسهل وبعد كدا نخلى الحاجة الاهم والاصعب الاخر يعنى بناكل الشيكولاته الاول والكيك اخليه فى الاخر أو مش باكله فى النهاية . اخرج مع صحابي الاول واذاكر اخر اليوم ، والمذاكرة أبدأ بالاسهل واخلى الصعب بعدين وبوستات المفروض اقراها وبعملها save دا غير bookmark الى على الرف وهكذا . يعنى بعبارة بسيطة ” أعبث الان وادفع الثمن لاحقاً ” https://majles.alukah.net/imgcache/2020/12/20.jpghttps://majles.alukah.net/imgcache/2020/12/18.jpg
الطبيعى اننا نبدأ يومنا بالأكثر أهمية ثم الأقل ثم الأقل ، ودا بيحسسنا براحة نفسية أننا أنجزنا أهم شيء ودا بيخلينا ننجز باقى المهام بكل سهولة لان اصعب حاجة عدت خلاص عكس لو أجلنا حاجة مهمة لآخر اليوم بنفضل قلقانين منها طول الوقت . علشان كدا بيقولوا “ساعة من الألم يعقبها ست ساعات من الراحة خير من ساعة من الراحة يعقبها ست ساعات من الألم ” .
للمزيد °° ☆☆ كتاب الأهم أولا لستيفن كوفى . ☆☆ كتاب إبدا بالأهم ولو كان صعباً لبراين تريس .
تحمل المسئولية
https://majles.alukah.net/imgcache/2020/12/18.jpg
متقدرش تحل أي مشكلة وأنت لسه بتقول مش مشكلتى مش انا السبب لان ببساطة محدش هيحل مشاكلك غيرك ، متستناش حد يجي ويساعدك ، انت الى تساعد نفسك لو عندك مشكلة في تعلم اللغة متقولش مكان الكورسات بعيد ، أصل الحظر منعنى ….الخ من الحجج لان صاحب الكورس مش هيجي يفتح تحت بيت حضرتى وحضرتك . ولا الحكومة هتقلل ساعات الحظر علشان انت تنزل تتعلم انت لازم تدور على بديل وهتلاقيه بأذن الله . وافتكر دايما كلام ألدريج كليفر … صحيح هو مين كليفر دا … ما علينا
https://majles.alukah.net/imgcache/2020/12/21.jpghttps://majles.alukah.net/imgcache/2020/12/18.jpg المهم هو قال ” ان لم تكن جزء من الحل فأنت جزء من المشكلة “
الإخلاص للحقيقة
https://majles.alukah.net/imgcache/2020/12/18.jpg
الإخلاص للحقيقة هو انك تكون صادق مع نفسك يعنى تكون واقعى فلما تلاقى عادل امام بيقول ” ايه رأيك بيفتح السمكة ملاقاش الخاتم ” منعملش زى المخبرين ونفتح بوءنا
https://majles.alukah.net/imgcache/2020/12/22.jpghttps://majles.alukah.net/imgcache/2020/12/18.jpgعلى امل انه هيلاقى الخاتم طبعا مش هيلاقيه وحتى لو اصطاد سمك البحر كله وفتح سمكه سمكه مش شرط تكون سمكة منهم بلعت الخاتم . تعلم الإنجليزية في 7 أيام ، ازاى تخس عشروميت كيلو فى اسبوع ، كيف تصبح مليونير وتكتشف ان الراجل كان مفلس وبقى مليونير من بيع الكتاب دا ….الخ من الجنان الى بتشوفه . جزء كبير من مشاكلنا النفسية هى ان الحقيقة كانت بخلاف توقعاتنا . ومن الواقعية انك تقول على البوست انه غير واقعى بس الاهم يكون عندك سبب واقعى تستند عليه .
https://majles.alukah.net/imgcache/2020/12/18.jpg
ودى بتخص اكتر مشاكل العلاقات العاطفية https://majles.alukah.net/imgcache/2020/12/23.jpghttps://majles.alukah.net/imgcache/2020/12/18.jpg أن يكون عندنا مرونة في التعامل مع الطرف الاخر احنا لما بنركب الدراجة بنستمتع واحنا نجري بيها على اقصي سرعة بس أكيد بنضغط على الفرامل لما بندخل على منحنى بسبب خوفنا من أنها تنحرف عن الطريق ودا بيتعارض مع متعتنا أننا نجري بسرعة كبيرة . فكل مشكلة ندخل فيها مع شريك حياتنا مش شرط ننتصر فيها لنفسنا بالعكس أوقات كتيرة الفرامل الى بندوس عليها بتكون انتصار لنفسنا في النهاية . تميم البرغوثى كان بيقول “بعض المعارك في خسرانها شرف من عاد منتصراً من مثلها قد انهزما ” . الفرامل بتنقذ علاقات كتير وبتنقذنا معاها . الفرامل بتستخدم عند اللزوم مش بنضغط عليها باستمرار ولا بنستغنى عنها تماماً .
فى النهاية معظم مشاكلنا بتكون عبارة حيل نفسية مخنا بيحاول يسكن الالم بيها [ يأجل المشكلة ويتجاهلها – يقولك انت كويس – انت مش سبب المشكلة – متعتذرش انت مغلطش – يخلقلك حالة من الخيال علشان تعيش فيه وكل دا علشان تشعر براحة ] لذلك كل الحلول كانت ازاى نتغلب على الحيل النفسية الى هى اصلاً سبب المشاكل .
المصدر : مجلة المصدر العربى
