مصيرك يا مرات الابن تبقي حمايه..ادخلوا يا بناتي عاوزاكوا كلكوا
النتائج 1 إلى 12 من 12

الموضوع: مصيرك يا مرات الابن تبقي حمايه..ادخلوا يا بناتي عاوزاكوا كلكوا

  1. #1
    تاريخ التسجيل
    Oct 2011
    المشاركات
    834

    افتراضي مصيرك يا مرات الابن تبقي حمايه..ادخلوا يا بناتي عاوزاكوا كلكوا



    السلام عليكم ورحمه الله وبركاته
    ازيكم يا بناتي انا هنا ممكن اكون من اكبر الناس في المنتدي
    يعني انا امكم وبحبكم كلكم وبحب اسمع ارائكم وبنصحكم برضو
    وعلشان كده انا انهارده لازم اقولكم حاجه يابناتي ممكن تفيدكم في حياتكم انا لما كنت بنت زيكم كده كنت فرحانه اوي بنفسي كنت جميله جدا وكنت فرحانه بشكلي وبنفسي كنت بنت وحيده
    كنت مدلعه الدلع اللي في الدنيا كله لحد ما اتقدملي ابن الحلال
    وهو زوجي ابو عيالي رحمه الله عليه
    اول ما اتجوزت لقتني حبيته جدااا وكنت بصراحه عاوزاه ليا لوحدي كنت عاوزاه يسيب اي حد ويبقي معايا كنت ديما ابينله اني الزوجه المثاليه اللي مفيش زي اللي احسن من امه واخواته واحسن من الدنيا وما فيها كنت ديما بدايق من امه لانها كانت ديما تقوله لما تيجي من الشغل عدي عليا ولما تروح بيتك تعالي سلم عليا
    وتعالي كل يوم عاوزه اشوفك يابني وكنت بتخنق اوي منهها كنت افضل اتخانق مع جوزي واقوله انت المفروض تتطلع من الشغل علي مراتك مش علي امك وجوزي فعلا كان بيحبني جداا وبيعشقني لدرجه الجنون مره في مره مبقاش يروح عند امه غير كل يوم جمعه وبس كان هو الكبير وكان ليه اخ تاني اصغر منه مكنش لسه اتجوز
    وكان عنده اربع بنات بس للاسف بناتها كانوا متجوزين اللي في الصعيد واللي ساكنه بعيد عنها وبنتها الوحيده اللي كانت ساكنه جمبيها كان جوزها وحش اوي معاها ومكنش بيخليها تروح عند امها خالص كانت علاقتي وحشه بيهم اوي لما كانوا يضحكوا ويهزروا مع جوزي كنت افتكرهم بيغزوني مع انهم كانوا متجوزين وكانت فيهم واحده مخطوبه واتجوزت يعني كلهم كان ليهم رجالتهم ومع ذلك كنت بحس بالغيره
    وهي كانت قاعده لوحديها عمري مفكرت انزل اروحلها كنت بقول مهي بصحتها تخدم نفسها عمري مقولت انزل حتي اسلم عليها اقعد معاها شويه اقسم بالله بكتب وانا ببكي كنت ديما كل مقول لحد من اصحابي من قرايبي حتي امي اما كنت اقولها دي حماتي دي عاوزه ابنها لوحديها تقولي سيبك منها ولاتعبري فيها دي ست جامده دي ست فاكره نفسها هي بس اللي خلفت وجابت رجاله وامي طبعا لانها مخلفتش غيري مكنتش تعرف يعني ايه ام تحب ابنها
    عمرها مقلتلي يبنتي عاملي فيها ربنا مسيرك تبقي ام حتي اصحابي
    كانوا يفضلوا يقولولي ده شغل حموات وكلهم كده زي بعض وانت لا متروحلهاش ولا تعمللها حاجه ووبناتها هما اللي يعملولها
    لحد ماربنا رزقني باربع ولاد كان نفسي ربنا يرزقني ببنت بس الحمدلله
    يااااااااه بحب اولادي اوي بعشقهم عشق بزات ابني الكبير ده اول فرحتي يااااااااه بحبه اوي كنت فرحانه بيه بجماله وبشغله
    وكان شاطر وناجح في شغله تعبت عليهم الاربعه جوزي مات وسابني وانا بقيت الاب والام بالنسبالهم
    ابني الكبير اتجوز ابص الاقي نفسي بقوله نفس الكلام اللي كانت بتقوله حماتي لابنها كان يجي من الشغل ينادي عليا من تحت بالعربيه بيزمر اقوله اطلع اقوله اطلع يقولي هبقي اعدي عليكي بالليل ومشفهوش تاني غير تاني يوم واقوله نفس الكلام اطلع يقولي بالليل
    ابص الاقي مراته مبتجليش خالص ولاحتي يوم الجمعه اسمع من الناس اني مراه ابني كل يوم عند امها كل يوم
    اقول لابني هات مراتك وتعالي يبني اتغدوا معايا يقولي حاضر وميجيش اكون تعبانه ويشوفني تعبانه واقول هيجيب مراته تيجي تشوفني ولا بتيجي عندي مكنتش بتيجي عندي غير 3 مراه في السنه مره في عيد الام ومره في العيد الفطر وعيد الاضحي حتي احفادي مبشفهمش غير في المناسبات قاعدين مع ستهم ام امهم
    ابني التاني اتجوز وخد مراته وسافروا السعوديه بعد كده بعت لاخوه
    الاصغر منه لما لاقاله فرصه عمل
    ببص لقيت نفسي لوحدي انا وابني الاخراني
    مش لاقيه ولادي مش لاقيه حد بيسال عليا مفيش
    حتي اخوات جوزي من معاملتي الوحشه ليهم محدش فيهم بقي بيكلمني لاني كنت عاوزه جوزي لوحدي
    ابني الصغير خالص دلوقتي يخرج الصبح للعمل بتاعه يجي الساعه 7 بالليل يجي ياكل ويخرج ميجيش غير الساعه 11
    ابني اول فرحتي الكبير ساكن جمبي جمبي ياناس مبشفهوش غير ممكن في الشهر مرتين او تلاته مرات بالعافيه بيقعد معايا الساعه بالعافيه ويكون مش علي بعضه علشان يروح لمراته
    اهااااااااا يا بنات بالاحساس ده حسيت بيكي ياحماتي لما اخدت ابنك منك لما مكنتش بروح حتي اونسك واقعد معاكي وكنت بقول انتي بصحتك اخدمي نفسك كنت فاكره كل حاجه خدمه وبس مكنتش اعرف ان الوحده وحشه اوي مكنتش اعرف ان الايام دول وكله سلف ودين واني زي ماعملت فيكي هيتعمل فيا وان ربنا رزقني بالولاد
    علشان يحرمني منهم وهما كبار ومحدش فيهم بيسال عليا
    يااااااااااه والله نفسي اشوفها واقولها سامحيني سامحيني ياست الكل اني عملت فيكي الوحش اني خدت منك ابنك لحد ماربنا عمل فيا زي معملت فيكي كنت فاكره ان حبك لابنك امتلاك مكنتش اعرف انه من حقك انه يشيل جزمتك علي راسه
    مكنتش اعرف ان دعوتك مجابه اوي كده اكيد دعت عليا
    وقلتلي ربنا يكرمك باللي يحرمك من ولادك
    علشان كده يابنات بقولكم احسنوا معاملتكم لحمواتكم حتي ولو وحشه معاكي متقوليش الكلمه اللي ياما اتقالتلي انتي مش ملزومه بخدمتها ولادها اولي بيها
    لا يا ولادي عاملوا ربنا فيها حتي ولو ولادها كلهم حواليها خليكي احسن منهم طول مافيكي صحه متبخليش بيها علي حد لودعت عليكي والله دعوتها هتستجاب ولو بعد ايه
    عامليها اكنها امك واكنهم اخواتك حتي لو هما موجودين ساعدي معاهم اكنك في بيت ابوكي واخواتك كلهم موجودين مش هتقومي تساعديهم لو اتخانقت معاكي اكن امك هي اللي بتتخانق معاكي
    هي امك مبتزعلكيش خالص اكيد بيحصل مبنكم زعل
    يابنات والله العظيم كان نفسي حد يقولي زمان كده مش عاوزه واحده توصل للي انا فيه
    عارفين نفسي في ايه
    نفسي مراه ابني تيجي عندي وتعتبرني امها والله هشيلها في عيني
    نفسي حد يدخل يقعد معايا حتي ولو ساعتين في اليوم
    انا الحمدلله بصحتي وبعافيتي الحمدلله بس الصحه مش كل حاجه
    الوحده صعبه اوي مش هيحس بيها غير اللي فيها
    وربنا يكرمكم يا بناتي وربنا يسعدكم يارب ويفرحكم بولادكم وتتهنوا في حياتكم
    وربنا يرحم ام زوجي رحمه واسعه هي ورزوجي وامي وابويا رحمه واسعه
    ويرجعلي ولادي ليا ولحضني يارب يارب يارب اللهم امين

    منقول للتذكرة
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

  2. #2
    تاريخ التسجيل
    Dec 2009
    المشاركات
    302

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    السلام عليكم ورحمة الله وبركاته
    محبة أم الزوج من محبة الزوج ..
    فكيف أحب زوجي ولا أحب أمه !!!
    ولماذا لا نضع في الحسبان أنه دين علينا ..؟
    بل لماذا لا نضعه أمام أعينا أنه واجب ؟
    وقد علمنا أن معاملة الناس بالتي هي أحسن من تعاليم الدين الحنيف ..
    فكيف بالتي هي أم زوجي وحبيبي؟
    المرأة الكيسة الفطنة الحصيفة هي التي تكسب قلب أم الزوج قبل قلب زوجها ..
    بل عليها أن تتوسط في تصليح الأمور مابين زوجها وأمه.. وعليها أيضا أن وجب الأمر في تغطية أخطاء زوجها ..
    أن تذكره وفي غير مناسبة أن يحضر هدية لأمه
    أن تدعه يتصل عليها ..
    أن تذكره بحقوقه عليها ..
    هذه هي المرأة والزوجة الحق ..
    أن ترى سعادتها في سعادة أمه ..
    وإن أشغلت المشاغل زوجها تقوم هي نيابة عنه في السؤال والأطمئنان عن أمه ...
    الزوجة الرشيدة هي التي توفق في إصلاح ذات البين وتوازن الأمور العائلية بعين الحكمة ..
    أسأل الله أن يوفق الجميع ..
    وأن يهدينا ويهدي بنات المسلمين ..
    بارك الله فيكِ أخيتي الحبيبة أم البراء

  3. #3
    تاريخ التسجيل
    Oct 2011
    المشاركات
    834

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    وفيك بارك الرحمن اخيتي
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

  4. #4
    تاريخ التسجيل
    Apr 2010
    المشاركات
    666

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    بارك الله فيكما. وليت أول من يتعظ طالبات العلم أو المستقيمات يعني الملتزمات الوحده إذا تزوجت بدأت حرب مع أم زوجها ونسيت ما تعلمته من حسن الخلق. عموما أحسست لهجتي تغيرت وأنا أقرأ الموضوع. إزيكم يابنات(ابتسامة).
    ربنا لاتجعل في قلوبنا غلاً للذين ءامنوا

  5. #5
    تاريخ التسجيل
    Sep 2010
    الدولة
    نجد
    المشاركات
    1,176

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    جزاك الله خيرا ام البراء وعائشة...
    قرات هذا الموضوع لامي ومافمهت منه شي لانه مصري ( خالص ) فحولته للهجة السعودية النجدية طلع الموضوع مفيد مره^^
    ام الزوج لو كانت شديدة تحترم وتعامل بالحسنى...والله يهدي الجميع
    نظرت في دواوين السنة والأثر فلا أعلم امرأة صحابية ولا تابعية حُرّة ذكرت باسمها فلانة بنت فلان ثبت السند عنها صريحا أنها تَكشف وجهها للأجانبد.عبد العزيز الطريفي

  6. #6
    تاريخ التسجيل
    Oct 2011
    المشاركات
    834

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    أم أويس وطالبة فقه ضحكت من قلبي
    أسعد الله قلبيكما
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

  7. #7
    تاريخ التسجيل
    Dec 2011
    الدولة
    مصـ أم الدنيا ــر
    المشاركات
    3

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    بارك الله فيك غاليتى
    وجزيتِ عنا الجنه اللهم امين
    ولكن غاليتى للاسف الشديد اين نحن من ذلك؟؟
    لا حياة لمن تنادى خاصة فى الخوض فى هذا الحديث لايسمعون لا يروون الا من رحم ربى
    ( لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ )

  8. #8
    تاريخ التسجيل
    Oct 2011
    المشاركات
    834

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    اقتباس المشاركة الأصلية كتبت بواسطة أوراق متساقطه مشاهدة المشاركة
    بارك الله فيك غاليتى
    وجزيتِ عنا الجنه اللهم امين
    ولكن غاليتى للاسف الشديد اين نحن من ذلك؟؟
    لا حياة لمن تنادى خاصة فى الخوض فى هذا الحديث لايسمعون لا يروون الا من رحم ربى
    نسأل الله العافية وجزيتِ الجنة
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

  9. #9
    تاريخ التسجيل
    Jan 2012
    المشاركات
    472

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    موضوع جميل
    بورك فيكِ على طرحه

  10. #10
    تاريخ التسجيل
    Oct 2011
    المشاركات
    834

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    اقتباس المشاركة الأصلية كتبت بواسطة أم عبد الرحمن بنت مصطفى مشاهدة المشاركة
    موضوع جميل
    بورك فيكِ على طرحه
    وفيك بارك الله
    مشاركتي كلمات ستجدي فيها قصة عن البنت وحماتها ممتعه
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

  11. #11
    تاريخ التسجيل
    Jan 2012
    المشاركات
    472

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    اقتباس المشاركة الأصلية كتبت بواسطة أم البراء وعائشة مشاهدة المشاركة
    مشاركتي كلمات ستجدي فيها قصة عن البنت وحماتها ممتعه
    ما فهمت قصدك يا غالية

  12. #12
    تاريخ التسجيل
    Oct 2011
    المشاركات
    834

    افتراضي رد: مصيرك يا مرات الابن تبقي حمايه..ادخلوا يا بناتي عاوزاكوا كلكوا

    http://majles.alukah.net/showthread....120#post565120
    على هذا الرابط ستجدي قصص جميلة أوله عن العجب طويل قليلا ثم تأتي القصص الموضوع بالاستراحة
    ( الإيمان له ظاهر وباطن، وظاهره قول اللسان وعمل الجوارح وباطنه تصديق القلب وانقياده ومحبته فلا ينفع ظاهر لا باطن له) ابن القيم

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •